Met mie is alles goud
We hebb'n tur nait meer over
Het is aal west
Mien verdrait slik ik mor deur
wie mot verder, aals mor deur
As't mie morgen vroagst
'Hou gait met die?' Dan zeg ik altied goud
Ik zwieg
mor onder mien hoed trekt d'ur wat
Ik ben bedekt met stein'n
D'ur is ain muur om mie bouwt
Woar ik nait achter kiek'n kinn
Ik zwieg over mien troan'n
Gain aine soll maark'n
Dat d'ur iets kapot is bie mie
Doar belast ik die nait mit
Ik goa alsmoar deur
Mor ik mis wel us wat ik nait bevatt'n kinn
dat trekt in't duuster aal aan mie
en soms zoegt het mie op
Dan vuil ik mie ellendig en roar in de kop
Dus as toe aine vroagst, hou gait met die?
en ze zeeg'n met mie is alles goud
Bedenk dan doar zit ook verdrait
en ze wait allenig nait hou ze't zeggen mout
Neem dur eev'n de tied veur
en roak t haart eev'n aan
woar joe baide zeer van hebb'n
mag dan echt bestoan
kiek d'ur soamen mor eev'n noar
en loat het dan mor goan
Dan kinst de volgende mörgen zeeg'n
mit mie is alles goud
ik heb guster woare laifde vuilt